Drengirnir í körfuboltanum koma vel undirbúnir til leiks í vetur eftir strangt undirbúningstímabil. Fyrsti leikur vetrarins var á móti nautsterkum Mostramönnum úr Stykkishólmi. Leikurinn var skemmtilegur á að horfa enda fjölmenntu áhorfendur í Digranes og reyndust þeir Mostramönnum sjötti leikmaðurinn inni á vellinum með stuðningi sínum. En allt kom fyrir ekki. HK-menn náðu forskoti strax á upphafsmínútum leiksins og létu það aldrei af hendi. HK-ingar léku afar góðan sóknarleik og skoruðu mikið úr hraðaupphlaupum í fyrri hálfleik með Þorgeir Sæmundsson og Sveinbjörn í broddi fylkingar.
Í hálfleik var staðan 49-36 fyrir HK. Mostramenn mættu ákveðnir í seinnihálfleikinn og náðu að minnka muninn í 10 stig. Lengra komust þeir ekki og HK sigraði með 92 stigum gegn 70.
Leikurinn var fín byrjun á vetrinum. 11 leikmenn HK spiluðu leikinn og fengu allir að svitna hressilega og taka á því.
Mynd - Óli skrifari!!! Hvar ertu? Tímabilið er byrjað.....
Leikmenn
