Leikmenn meistaraflokks HK frá upphafi, aðrir en þeir sem skipa flokkinn árið 2008.

Í dálkinum "Önnur félög" er miðað við að leikmaðurinn hafi spilað með meistaraflokki viðkomandi félags.

Þeir sem vilja koma á framfæri leiðréttingum eða viðbótum, sendi þær til vs@mbl.is

ALEKSANDAR KOJOVIC
Fæddur: 1982.
HK-leikir: 1.
HK-mörk: 0.
Ferill hjá HK: 2007.
Serbneskur varnarmaður sem var til reynslu hjá HK og lék einn leik í deildabikarnum 2007.

ALEN MULAMUHIC
Fæddur: 1970.
HK-leikir: 49.
HK-mörk: 3.
Ferill hjá HK: 1996-1998.
Önnur félög: Júgóslavnesk, Haukar, ÍR.
Kom til Íslands frá Bosníu 1992. Eftir viðdvöl hjá Haukum og ÍR lék Alen í þrjú ár með HK og var lykilmaður í meistaraliðinu í 2.deild 1997. Lagði skóna á hilluna eftir tímabilið 1998.

ALEXANDER ARNARSON
Fæddur: 1973.
HK-leikir: 23.
HK-mörk: 2.
Ferill hjá HK: 1997-1998.
Önnur félög: Víkingur Ólafsvík.
Línumaður í handboltaliði HK. Lék með ÍK og HK í yngri flokkum. Var í sigurliðinu í 2. deild 1997 en hefur einbeitt sér að handboltanum síðan með góðum árangri og lék sinn fyrsta A-landsleik vorið 1999. Tók við formennsku í handknattleiksdeild HK 2007.

ANDRI MÁR HERMANNSSON
Fæddur: 1976.
HK-leikir: 1.
HK-mörk: 0.
Ferill hjá HK: 1999.
Kom til HK frá Haukum og lék einn vorleik 1999.

ANDRI SVEINSSON
Fæddur: 1974.
Mfl.leikir 12.
Mfl.mörk: 3.
Ferill hjá HK: 1999-2000.
Önnur félög: Þróttur R., Haukar, Númi, Huginn, Grótta.
Uppalinn KR-ingur en kom frá Þrótti á miðju sumri 1999 og skoraði 3 mörk í 8 leikjum. Lék 4 leiki seinni hluta tímabilsins 2000 en spilaði með Haukum 2001-2003, Núma 2004, Hugin 2005 og Gróttu 2006. Lék 4 leiki með Þrótti í úrvalsdeildinni 1998.

ANTHONY VOYLES
Fæddur: 1975.
HK-leikir: 2.
HK-mörk: 0.
Ferill hjá HK: 1998.
Bandaríkjamaður sem dvaldi hér part úr tímabilinu 1998.

ARNAR ARNARSSON
Fæddur: 1974.
HK-leikir: 6.
HK-mörk: 0.
Ferill hjá HK: 1998.
Önnur félög: ÍR.
Lék aðeins með í deildabikarnum 1998.

ARNAR SIGTRYGGSSON
Fæddur: 1970.
HK-leikir: 16.
HK-mörk: 1.
Ferill hjá HK: 1998.
Önnur félög: Ármann, Léttir.
Kom til HK frá Ármanni fyrir tímabilið 1998. Lék flesta leiki fram á mitt sumar en datt þá út vegna meiðsla. Spilað með Létti 2000-2003.

ARON T. HARALDSSON
Fæddur: 1976.
HK-leikir: 3.
HK-mörk: 1.
Ferill hjá HK: 1996.
Önnur félög: Breiðablik, KVA.
Kom vorið 1996 og hafði stutta viðdvöl, lék með KVA eftir það.

ATLI EÐVALDSSON
Fæddur: 1957.
HK-leikir: 11.
HK-mörk: 1.
Ferill hjá HK: 1994.
Önnur félög: Valur, Dortmund, Düsseldorf, Uerdingen, KR.
Landsliðsfyrirliði Íslands um árabil og atvinnumaður í Þýskalandi. Þjálfaði HK 1994 og tók fram skóna á miðju sumri. Hefur síðan þjálfað Fylki, ÍBV og KR ásamt 21-árs landsliðinu. Landsliðsþjálfari Íslands frá 1. nóvember 1999 þar til í maí 2003. Þjálfari Þróttar R. 2005-2006.

ATLI GUÐNASON
Fæddur: 1984.
HK-leikir: 10.
HK-mörk: 3.
Önnur félög: FH, Fjölnir.
Kom sem lánsmaður frá FH í júlí 2004 og lék út tímabilið. Spilaði 10 leiki, 8 þeirra í 1. deild, og skoraði 3 mörk. Lék með Fjölni 2005 og FH 2006.

ATLI ÞÓR JAKOBSSON
Fæddur: 1979
HK-leikir: 82
HK-mörk: 0.
Ferill hjá HK: 1999-2003.
Önnur félög: BÍ.
Ísfirðingur sem lék á heimaslóðum í yngri flokkum og síðan með Stjörnunni í tvö ár í 2. flokki en kom til HK 1999. Hefur spilað mikið frá árinu 2000 og er orðinn einn af leikjahæstu mönnum meistaraflokks. Lék 10 leiki í 1. deildinni 2003 en sinnti starfi sjúkraþjálfara liðsins þegar hann lék ekki með. Fór til BÍ 2004. Aðstoðarþjálfari 2. flokks karla hjá HK 2005.

ATLI KRISTJÁNSSON
Fæddur 1978.
HK-leikir: 14.
HK-mörk: 10.
Ferill hjá HK: 2001.
Önnur félög: KR, KVA, Breiðablik.
Lék með ÍK í yngstu flokkunum, síðan í Breiðabliki og KR. Spilaði 16 ára með KR í efstu deild, alls 3 leiki. Lék 7 drengjalandsleiki og 1 unglingalandsleik. Fór til KVA og þaðan til Breiðabliks þar sem hann varð markakóngur 1. deildar 1998 og lék 7 leiki í úrvalsdeild 1999 en hafði  ekkert spilað síðan vegna meiðsla þar til hann gekk til liðs við HK í júní 2001. Lék 14 leiki með HK um sumarið og skoraði 10 mörk.

ÁRNI MÁR HARÐARSON
Fæddur: 1978.
HK-leikir: 1.
HK-mörk: 0.
Ferill hjá HK: 1997.
Lék með yngri flokkum HK og spilaði sinn eina mfl.leik meðan hann var í 2. flokki.

ÁRNI ÞÓR ÁRNASON
Fæddur: 1966.
HK-leikir: 24.
HK-mörk: 2.
Ferill hjá HK: 1992-1993.
Önnur félög: Fyrirtak, Eimreiðin, Grótta. Fastamaður í fyrsta meistaraflokki HK 1992 og hefur síðar spilað með eldri flokki félagsins.

ÁRNI ÞÓR EYÞÓRSSON
Fæddur: 1976.
HK-leikir: 16.
HK-mörk: 2.
Ferill hjá HK: 1996-1997.
Afreksmaður í dansi og einbeitti sér alfarið að honum eftir stuttan knattspyrnuferil.

ÁSGEIR ÖRN JÓHANNSSON
Fæddur 1979.
HK-leikir: 2.
HK-mörk: 0.
Ferill hjá HK: 2001.
Önnur félög: Hvöt, Drangur, Magni.
Kom til HK frá Hvöt á Blönduósi fyrir tímabilið 2001. Spilaði tvo leiki í deildabikarnum en fór síðan aftur til Hvatar. Lék með HK-b 2003 og Magna á Grenivík 2004-2006. Spilar með Hvöt 2007.

BENEDIKT EMILSSON
Fæddur 1976.
HK-leikir: 9.
HK-mörk: 0.
Önnur félög: Haukar, Afturelding, BÍ.
Ferill hjá HK: 2002-2003.
Lék lengst af með Aftureldingu en einnig með Haukum um tíma. Kom frá Aftureldingu í júlí 2002 og spilaði tvo deildaleiki. Lék 7 mótsleiki 2003 en kom ekki við sögu í 1. deildinni. Lék með BÍ 2004.

BERGUR JACOBSEN
Fæddur: 1979.
HK-leikir: 2.
HK-mörk: 0.
Ferill hjá HK: 1999.
Önnur félög: Norvalla (Sví.), Leiftur.
Sænskur ríkisborgari sem á íslenskan föður, Pál Guðlaugsson fyrrum þjálfara Leifturs. Lék 2 leiki með Leiftri í úrvalsdeildinni 1998 og kom síðan til HK 1999. Meiddist, spilaði aðeins 2 leiki í byrjun Íslandsmótsins og hætti.

BERGUR ÞRASTARSON
Fæddur: 1981.
HK-leikir: 13.
HK-mörk: 1.
Ferill hjá HK: 2001.
Önnur félög: Drangur.
ÍK- og HK-ingur frá fyrstu tíð, upp alla yngri flokkana. Var í fyrsta skipti í meistaraflokkshópnum 2001, spilaði þá 13 leiki og skoraði eitt mark. Lék með HK-b 2003.

BIRGIR RAFN BIRGISSON
Fæddur: 1976.
HK-leikir: 24.
HK-mörk: 3.
Ferill hjá HK: 2004.
Önnur félög: Haukar, FH, ÍH.
Kom til HK frá Haukum fyrir tímabilið 2004. Lék 16 leiki í 1. deild og skoraði 2 mörk og spilaði alls 24 mótsleiki. Fór aftur til Hauka fyrir tímabilið 2005. Lék með ÍH 2006.

BIRKIR INGIBJARTSSON
Fæddur: 1986.
HK-leikir: 1.
HK-mörk: 0.
Önnur félög: Ýmir.
Kom upp í meistaraflokk fyrir tímabilið 2006 og lék einn leik í deildabikarnum. Spilaði síðan með HK-b (Ými) um sumarið. Leikur með Augnabliki í 3. deild 2007.

BJÖRGVIN JÚNÍUSSON
Fæddur: 1974.
HK-leikir: 5.
HK-mörk: 0.
Ferill hjá HK: 1993-1994.
Önnur félög: ÍH, Augnablik, Þróttur Vogum.
Drjúgur markaskorari í 2. flokki en náði ekki að festa rætur sem meistaraflokksmaður. Lék með Augnabliki í 3. deild 1999 og með Þrótti úr Vogum 2000.

BJÖRN BJÖRNSSON
Fæddur 1965.
HK-leikir: 4.
HK-mörk: 0.
Ferill hjá HK: 1995-1996.
Önnur félög: ÍK, Tindastóll.
Lék með ÍK alla yngri flokka og 101 leik með meistaraflokki 1984-1988, fyrirliði síðustu árin. Lék í nokkur ár með Tindastóli og var þar fyrirliði eitt ár. Náði sér ekki á strik vegna meiðsla þegar hann sneri aftur til HK. Þjálfaði meistaraflokk HK 1997-1998 og hefur leikið með eldri flokki síðustu árin. Sjúkraþjálfari HK frá 2005.

BRYNJAR ARNARSSON
Fæddur: 1974.
HK-leikir: 8.
HK-mörk: 0.
Ferill hjá HK: 1996.
Markvörður sem lék hálft tímabilið 1996.

BRYNJAR SKÚLASON
Fæddur: 1978
HK-leikir: 20
HK-mörk: 5
Ferill hjá HK: 2004-2005.
Önnur félög: KBS, Leiknir F., Höttur, Huginn/Höttur, Fjarðabyggð, Huginn.
Breiðdælingur sem gekk til liðs við HK í nóvember 2003. Lék í meistaraflokki frá 15 ára aldri og skoraði talsvert fyrir sín lið fyrir austan, 53 mörk í 103 deildaleikjum. Lék 11 deildaleiki með HK 2004 en hætti eftir langvarandi meiðsli í júní 2005. Fór til Hugins á Seyðisfirði og lék þar í 2. deild undir lok tímabilsins. Þjálfari og leikmaður Hugins í 2. deild 2006.

DANIEL BROWN
Fæddur: 1980.
HK-leikir: 8.
HK-mörk: 0.
Ferill hjá HK: 1998.
Önnur félög: Leyton Orient, Barnet, Oxford United, Crawley, Cambridge United.
Efnilegur Englendingur sem lék með HK fyrri hlutann 1998 en var þá kallaður aftur til Leyton Orient og fór þaðan til Barnet 1999. Lék síðan með Oxford í ensku 3. deildinni. Fór til utandeildaliðsins Crawley 2005 og gekk  síðan til liðs við utandeildaliðið Cambridge United í nóvember 2006. Tók þar fljótlega við stöðu fyrirliða.

EGILL ÖRN GUNNARSSON
Fæddur: 1988.
HK-leikir: 1.
HK-mörk: 0.
Ferill hjá HK: 2006.
Lék einn leik með HK í 1. deildinni 2006, þá á miðári í 2. flokki. Tók sér frí frá knattspyrnu árið 2007.

EGILL SKÚLI ÞÓRÓLFSSON
Fæddur: 1978.
HK-leikir: 9.
HK-mörk: 0.
Ferill hjá HK: 1998.
Önnur félög: KR, ÍR, Grótta.
Margreyndur drengja- og unglingalandsliðsmaður sem kom sem lánsmaður frá KR á miðju sumri 1998 en lék með ÍR 1999-2003 og Gróttu 2004.

EINAR ÖRN BIRGISSON
Fæddur: 1973.
Látinn: 2000.
HK-leikir: 9.
HK-mörk: 6.
Ferill hjá HK: 2000.
Önnur félög: Víkingur R., Valur, Þróttur R., Lyn Osló, KR.
Uppalinn Víkingur og lék þar og með Val í efstu deild. Markakóngur Þróttar í næstefstu deild 1997. Lék í næstefstu deild í Noregi 1998, Íslandsmeistari með KR 1999. Gekk til liðs við HK í byrjun júlí 2000 og varð markahæsti leikmaður liðsins í 2. deild með 6 mörk í 9 leikjum. Lést sviplega 8. nóvember 2000.

EINAR SVERRISSON
Fæddur: 1975.
HK-leikir: 12.
HK-mörk: 1.
Ferill hjá HK: 2000.
Önnur félög: Deiglan.
Lék með ÍK og HK í yngri flokkunum, var síðan í röðum Framara án þess að ná að spila með meistaraflokki. Fyrsta tímabil Einars með meistaraflokki HK var 2000 og hann var útnefndur leikmaður ársins, en hætti vegna vinnu eftir það. Lék með Deiglunni í 3. deild 2002 og 2004.

EINAR TÓMASSON
Fæddur: 1971.
HK-leikir: 39.
HK-mörk: 9.
Ferill hjá HK: 1992-1993 og 1999.
Lék alla yngri flokka með ÍK og 2 leiki með mfl. lykilmaður í HK tvö fyrstu árin og skoraði bæði mörkin í úrslitaleik 4. deildar 1992 þegar HK vann Hött, 2-0. Lenti í slæmum meiðslum eftir tímabilið 1993 og lagði skóna á hilluna í kjölfarið. Hóf æfingar að nýju sumarið 1999 og lék einn bikarleik en varð að taka sér hvíld á ný vegna meiðsla.

EINAR (Eddi) ÞORSTEINSSON
Fæddur: 1978.
HK-leikir: 12.
HK-mörk: 0.
Ferill hjá HK: 1999-2000.
Önnur félög: Grótta.
Lék með ÍK og síðan HK í yngri flokkunum. Hætti eftir 2. flokkinn en byrjaði aftur 1999. Spilaði 4 meistaraflokksleiki árið 2000. Lék með Gróttu í 3. deild 2002.

EINAR ÞORSTEINSSON (formanns)
Fæddur: 1978.
HK-leikir: 10.
HK-mörk: 0.
Ferill hjá HK: 1996-1997 og 1999.
Lék alla yngri flokka með ÍK og HK og nokkra mfl.leiki sem 2. flokksmaður. Skipti í Víking 1998 en meiddist mjög illa fyrir tímabilið. Kom aftur í HK og lék einn deildaleik 1999.

EINIR LOGI EIÐSSON
Fæddur: 1979.
HK-leikir: 27.
HK-mörk: 0.
Ferill hjá HK: 1997 og 1999-2000.
Önnur félög: Drangur.
Lék sinn fyrsta mfl.leik 1997 með hann var í 2. flokki. Kom inn í mfl. fyrir tímabilið 1999 og var fastamaður í liðinu, spilaði 24 af 25 mótsleikjum ársins. Meiddist í deildabikarnum vorið 2000 og hætti. Tók fram skóna með HK-b 2003.

EIRÍKUR ÞORVARÐARSON
Fæddur: 1968.
HK-leikir: 17.
HK-mörk: 0.
Ferill hjá HK: 1991-1994.
Önnur félög: Breiðablik, Víkingur R., Sindri.
Markvörður með 14 leiki í efstu deild og 13 leiki með yngri landsliðum. Varamarkvörður HK 1993 og aðalmarkvörður 1994.

EJUB PURISEVIC
Fæddur: 1968.
HK-leikir: 46.
HK-mörk: 45.
Ferill hjá HK: 1992-1993.
Önnur félög: Luka, Bosna, Iljas, Ozren, Sindri, Reynir S., Fylkir, Valur, Víkingur Ó.
Kom til HK frá Bosníu 1992 og skoraði 29 mörk í 4. deildinni á sínu fyrsta tímabili og var í liðinu sem vann sig upp í 2. deild árið eftir. Þjálfari og leikmaður Sindra 1994-1996 og 1998-1999 og tvö seinni ári fór hann með liðið úr 3. deild í 1. deild. Þjálfari og leikmaður Vals frá hausti 1999 og stýrði liðinu upp í úrvalsdeildina 2000, þar sem hann þjálfaði liðið tímabilið 2001. Sá um sérþjálfun hjá HK 2002. Hefur þjálfað og leikið með Víkingi í Ólafsvík frá  2003 og gerði liðið að meisturum í 3. deild það ár, kom því upp í 1. deild haustið 2004 og hélt því þar 2005-2006. Ejub er fjórði markahæsti leikmaður HK frá upphafi. Íslenskur ríkisborgari frá 1999.

ELVAR INGI JÓNSSON
Fæddur: 1980.
HK-leikir: 29.
HK-mörk: 0.
Ferill hjá HK: 1997-1998 og 2000.
Önnur félög: Fram, Þróttur R.
Lék upp alla yngri flokka með ÍK og HK og var nálægt sæti í yngri landsliðum. Fór til Fram 1999 og lék þar í 2. flokki, og kom inná í einum leik í úrvalsdeildinni. Sneri aftur til HK 2000 og spilaði 9 leiki en lék með Þrótti R. í 1. deild 2001.

EYJÓLFUR ÞÓRÐARSON
Fæddur: 1962.
HK-leikir: 13.
HK-mörk: 0.
Ferill hjá HK: 1992 og 1996.
Önnur félög: ÍK, Þór Þ., Afturelding, Ægir, Léttir.
Víðförull markvörður sem lék 60 leiki með ÍK 1986-1988 og var valinn leikmaður ársins hjá ÍK 1987. Hefur tvisvar komið við hjá HK síðan, og hefur á seinni árum leikið talsvert með eldri flokki félagsins.

FANNAR DAGBJARTSSON
Fæddur: 1967.
HK-leikir: 6.
HK-mörk: 0.
Ferill hjá HK: 1998.
Lék vorleikina 1998 en ekkert eftir það.

FRIÐRIK B. GUÐMUNDSSON
Fæddur: 1977.
HK-leikir: 8.
HK-mörk: 0.
Ferill hjá HK: 2001.
Önnur félög: Ernir, KÍB, BÍ.
Ísfirðingur sem kom til HK frá KÍB fyrir tímabilið 2001. Lék fyrst með Erni á Ísafirði í 3. deild, síðan með sameinuðu liði Ernis og Bolungarvíkur, KÍB, í 3. og 2. deild. Lánaður til KÍB í maí 2001, kom aftur þaðan í júlí. Lék með BÍ 2002-2003 og með Bolungarvík 2005.

FROSTI V. GUNNARSSON
Fæddur: 1972.
HK-leikir: 10.
HK-mörk: 2.
Ferill hjá HK: 1992.
Lék með ÍK í yngri flokkum og fyrsta meistaraflokksár HK en hætti síðan. Sneri aftur í eldri flokk HK og síðan sem dómari fyrir félagið. Færður upp í hóp B-dómara hjá KSÍ fyrir tímabilið 2007.

GARÐAR AGNARSSON
Fæddur: 1965.
HK-leikir: 1.
HK-mörk: 0.
Ferill hjá HK: 1992.
Önnur félög: ÍK, Eimreiðin.
Markvörður ÍK í yngri flokkum og lék þar 6 mfl.leiki. Hljóp í skarðið í einum vorleik 1992.

GÍSLI ÞÓR EINARSSON 
Fæddur: 1976.
HK-leikir: 20.
HK-mörk: 0.
Ferill hjá HK: 2000.
Önnur félög: Breiðablik, Fjölnir, Haukar, Ægir.
Markvörður sem lék með Breiðabliki í yngri flokkum og tvo leiki í efstu deild. Markahæsti leikmaður Fjölnis í 2. deild 1998 með 3 mörk úr vítaspyrnum. Aðalmarkvörður HK 2000. Lék með Ægi í 3. deild 2001 og Breiðabliki í 1. deild 2002.

GÍSLI ÞORSTEINSSON
Fæddur: 1971.
HK-leikir: 1.
HK-mörk: 0.
Ferill hjá HK: 1996.
Önnur félög: Leiknir R.
Kom á miðju sumri 1996 en náði sér ekki á strik vegna meiðsla.

GORAN KRISTÓFER MICIC
Fæddur: 1962.
HK-leikir: 4.
HK-mörk: 1.
Ferill hjá HK: 2001.
Önnur félög: Radnicki Nis, Víkingur R., Þróttur R., Þróttur N., Stjarnan.
Lék með Radnicki Nis í úrvalsdeildinni í Júgóslavíu þar til hann gekk til liðs við Víking 1989, í hópi fyrstu Júgóslavanna sem komu til Íslands til að leika knattspyrnu, og hefur verið íslenskur ríkisborgari í nokkur ár. Spilaði með Víkingi  í efstu deild í tvö ár, lék 33 leiki og skoraði 11 mörk. Lék með Þrótti R. í næstefstu deild 1991 og skoraði 11 mörk í 17 leikjum. Þjálfari og leikmaður Þróttar í Neskaupstað 1992-1993, liðið vann sig upp í næstefstu deild undir hans stjórn og hélt síðan sæti sínu þar síðara árið. Gekk til liðs við Stjörnuna 1994 og lék þar til 1997 í tveimur efstu deildunum, þar af 40 leiki í úrvalsdeild og gerði 7 mörk. Þjálfari Stjörnunnar 1998-2000 og kom liðinu upp í úrvalsdeild miðárið. Stýrði HK til glæsilegs sigurs í 3. deildarkeppninni 2001, þaðan upp í 1. deild ári síðar og þjálfaði liðið áfram 2003. Hætti að spila 1997 en var til taks í leikmannahópi HK 2001 og kom við sögu í fjórum deildaleikjum á árinu. Hefur ekki þjálfað síðan hann hætti með HK.

GRÉTAR EGGERTSSON
Fæddur: 1967.
HK-leikir: 5.
HK-mörk: 0.
Ferill hjá HK: 1995.
Önnur félög: Kormákur, Höttur, Fylkir, Haukar.
Kom til HK 1995 en fór aftur í Hauka eftir stutta viðdvöl.


GRÉTAR MÁR SVEINSSON
Fæddur: 1977.
HK-leikir: 20.
HK-mörk: 0.
Ferill hjá HK: 1998 og 2003.
Önnur félög: Breiðablik, Víkingur R., ÍR, Númi, ÍH.
Kom frá Breiðabliki eftir að tímabilið 1998 hófst og var lykilmaður í liðinu í 1. deild það sumar. Hefur leikið 4 leiki í efstu deild og skorað 1 mark og 20 leiki með yngri landsliðum Íslands. Leikmaður með ÍR frá 1999 til 2002. Kom til HK á ný í lok júní 2003 og spilaði 7 leiki í 1. deildinni. Lék með Núma 2004 og ÍH 2005. Þjálfari og leikmaður ÍH 2006.

GUÐBJARTUR HARALDSSON
Fæddur: 1970.
HK-leikir: 156.
HK-mörk: 7.
Ferill hjá HK: 1997-2003.
Önnur félög: Tindastóll, Víkingur R., ÍH.
Fyrirliði meistaraflokks um árabil. Sauðkrækingur og lék lengi með Tindastóli. Hefur sjaldan misst úr leiki hjá HK síðan hann kom til félagsins og löngum verið fyrirliði liðsins, og leiddi það upp í 2. deild haustið 2001. Sterkur varnarmaður sem var valinn leikmaður ársins í meistaraflokki 1999. Lék 19 leiki árið 2001 og skoraði eitt mark og var valinn knattspyrnumaður HK 2001, og auk þess leikmaður ársins og HK-ingur ársins í meistaraflokki. Guðbjartur varð á árinu 2001 annar HK-ingurinn frá upphafi til að leika 100 leiki fyrir meistaraflokk. Sló félagsmet Valdimars Hilmarssonar árið 2002 og bætti það með hverjum leik síðan. Fór yfir 150 leikina 2003 og spilaði þá 25 mótsleiki af 29. Lék sinn 250. deildaleik undir lok tímabilsins. Lagði skóna á hilluna eftir það.

GUÐJÓN BJÖRNSSON
Fæddur: 1970.
HK-leikir: 90.
HK-mörk: 2.
Ferill hjá HK: 1992-2002.
Önnur félög: ÍK.
Kom til ÍK frá Tálknafirði 1990 og spilaði 4 mfl.leiki. Hefur spilað með mfl. HK frá upphafi, einn leikmanna félagsins, og er fjórði leikjahæsti leikmaðurinn í sögu meistaraflokks. Átti í erfiðum meiðslum 1998 en kom inn í lið HK á ný um sumarið 1999. Ákvað að leggja skóna á hilluna að því tímabili loknu, og þeim var komið fyrir í verðlaunaskáp HK í Digranesi. Spilaði þó einn leik árið 2000 og æfði með meistaraflokkshópnum 2001. Lék fjóra mótsleiki 2002. Aðstoðarþjálfari meistaraflokks 2003.

GUÐJÓN ÞÓR ÓLAFSSON
Fæddur: 1987.
HK-leikir: 6
HK-mörk: 0.
Ferill hjá HK: 2004-2007.
Önnur félög: KS/Leiftur.
HK-ingur sem kom inní meistaraflokk 17 ára og lék 2 leiki í deildabikarnum 2004 og síðan 4 leiki 2007. Var síðan lánaður til 2. deildarliðs KS/Leifturs tímabilið 2007.

GUÐMUNDUR ÁRNASON
Fæddur: 1973.
HK-leikir: 32.
HK-mörk: 0.
Ferill hjá HK: Frá 1998.
Önnur félög: Víkingur R.
Varnarmaður sem kom frá Víkingi eftir að tímabilið 1998 hófst og spilaði alla leiki eftir það. Lék 20 mótsleiki 1999 en hætti síðan.

GUÐMUNDUR PÁLL GÍSLASON
Fæddur: 1973.
HK-leikir: 25.
HK-mörk: 5.
Ferill hjá HK: 1998.
Önnur félög: Fram, Valur, Þróttur R., Breiðablik.
Kom til HK frá Fram fyrir tímabilið 1998 og tók fljótlega við fyrirliðastöðunni. Spilaði alla leiki og var valinn besti leikmaður meistaraflokks 1998. Hefur leikið 39 leiki og skorað 2 mörk í efstu deild og spilað 5 leiki með yngri landsliðum. Lék með Breiðabliki 1999 en hætti síðan.

GUÐMUNDUR ATLI STEINÞÓRSSON
Fæddur: 1987.
HK-leikir: 7.
HK-mörk: 0.
Önnur félög: Grindavík.
Lék með HK og BÍ á víxl í yngri flokkunum en samfellt með HK frá 2003.
Íslandsmeistari með 4. flokki 2001. Lék 7 mótsleiki með meistaraflokki 2005, þar af 4 í 1. deild. Fór til Grindavíkur og lék þar 4 leiki í úrvalsdeildinni 2006. Gekk til liðs við 1. deildarlið Fjarðabyggðar í mars 2007.

GUÐNI MÁR KRISTINSSON
Fæddur: 1982.
HK-leikir: 2.
HK-mörk: 0.
Ferill hjá HK: 2002-2003.
Önnur félög: Drangur, Ýmir.
Hefur leikið með ÍK og síðan HK frá 7. flokki og að auki komið talsvert við sögu í þjálfun yngri flokka félagsins. Kom inn í meistaraflokkshópinn fyrir tímabilið 2002 og lék sinn fyrsta mótsleik, í deildabikarnum, og bætti öðrum við 2003. Leikmaður með HK-b frá 2003.

GUÐNI TÓMASSON
Fæddur: 1975.
HK-leikir: 5.
HK-mörk: 0.
Ferill hjá HK: 1996 og 2000.
Önnur félög: Barðaströnd, Úlfarnir, ÍH.
Lék með ÍK og HK í yngri flokkum og var í hópi meistaraflokks vorið 1996. Byrjaði aftur 2000 og lék með í deildabikarnum. Hefur leikið með liðum í 3. deild frá 2001, síðast með ÍH.

GUNNAR GUÐMUNDSSON
Fæddur: 1969.
HK-leikir: 20.
HK-mörk: 2.
Ferill hjá HK: 1994 og 2004.
Önnur félög: ÍK, Víkingur R., Teutonia (Þýsk.), Langenhorn (Þýsk.), Blankenese (Þýsk.), Valur, Stjarnan, Leiknir F., Leiftur/Dalvík.
Lék í yngri flokkum með ÍK og með meistaraflokki til 1990, alls 73 mfl.leiki. Eini landsliðsmaður ÍK, lék með drengjalandsliðinu 1985. Spilaði eitt tímabil með HK og stjórnaði knattspyrnuskóla félagsins í nokkur ár. Þjálfari og leikmaður Leiknis á Fáskrúðsfirði 1999 og 2001 og spilaði með Stjörnunni í úrvalsdeild 2000. Þjálfari og leikmaður 1. deildarliðs Leifturs/Dalvíkur 2002 og lék síðan með Stjörnunni í 1. deild 2003. Ráðinn þjálfari HK fyrir tímabilið 2004 og spilaði 2 leiki í deildabikarnum. Undir hans stjórn komst HK í úrvalsdeild í fyrsta skipti eftir að hafa náð öðru sæti 1. deildar 2006. Þjálfar áfram lið HK tímabilið 2007.

GUNNAR FREYR FREYSSON
Fæddur 1978.
HK-leikir: 4.
HK-mörk: 0.
Ferill hjá HK: 2001.
Lék um tíma með HK í yngri flokkunum. Uppgötvaður í utandeildinni þar sem hann lék með FC Moppunni og bættist í hópinn fyrir tímabilið 2001. Lék fjóra mótsleiki en hætti um sumarið.

GUNNAR BJÖRN HELGASON
Fæddur: 1980.
HK-leikir: 8.
HK-mörk: 0.
Ferill hjá HK: 2000.
Önnur félög: Selfoss.
Markvörður frá Selfossi sem lék 2 drengjalandsleiki árið 1996. Kom til HK 2000 úr 2. flokki FH og var varamarkvörður mfl. það sumar. Spilaði þrjá deildaleiki. Lék með Selfossi í 2. deild 2004.

GUNNAR ÖRN HELGASON
Fæddur: 1979.
HK-leikir: 87.
HK-mörk: 20.
Lék með Breiðabliki í yngri flokkum og síðan HK í 2. flokki. Hefur leikið með meistaraflokki frá 1999 og er ofarlega á lista yfir leikjahæstu og markahæstu menn félagsins þó hann hafi misst nokkuð úr á köflum vegna meiðsla. Náði lítið að leika með tímabilið 2004 af þeim sökum og spilaði aðeins 2 leiki, báða í 1. deildinni, og hætti eftir það.

GUNNAR SIGURÐSSON
Fæddur: 1975.
HK-leikir: 23.
HK-mörk: 0.
Ferill hjá HK: 1995.
Önnur félög: ÍBV, Brage, KFS, Fram.
Markvörður frá Vestmannaeyjum, hóf feril sinn í meistaraflokki með HK og fór síðan aftur til Eyja. Meistari með ÍBV 1997 og 1998 og fyrrum markvörður 21-árs landsliðsins. Lék með Brage í Svíþjóð 1999-2000 en gekk til liðs við úrvalsdeildarlið Fram á miðju sumri 2001 eftir stutta viðdvöl í KFS og hefur varið mark liðsins síðan.

GUNNAR VALSSON
Fæddur: 1969.
HK-leikir: 2.
HK-mörk: 0.
Ferill hjá HK: 1994.
Kom til HK á miðju tímabili 1994 en hætti eftir það.

HAFÞÓR HAFLIÐASON
Fæddur: 1975.
HK-leikir: 56.
HK-mörk: 4.
Ferill hjá HK: Frá 1996.
ÍK- og HK-ingur frá upphafi og fastamaður í meistaraflokki frá 1996 til 1998. Sleit krossbönd í hné í október 1998 og var frá æfingum og keppni fram á sumar 2000. Lék 6 leiki með mfl. í 2. deildinni en lagði síðan skóna alfarið á hilluna vegna meiðsla. Formaður meistaraflokksráðs 2002-2003.

HALLDÓR GÍSLASON
Fæddur: 1965.
HK-leikir: 11.
HK-mörk: 0.
Ferill hjá HK: 1994 og 1996.
Önnur félög: Víkingur Ó., Víkingur R., ÍH.
Lék með meistaraflokki ÍK frá 1988 til 1991, samtals 56 leiki. Fór þá til náms í Bandaríkjunum en hefur tvisvar eftir það spilað part úr tímabili með HK. Hefur leikið með eldri flokki HK.

HALLDÓR ÖRN JÓNSSON
Fæddur: 1983.
HK-leikir: 2.
HK-mörk: 0.
Ferill hjá HK: 2001-2003.
Önnur félög: Drangur, Ýmir.
Hefur leikið með yngri flokkum ÍK og HK frá 6 ára aldri. Markvörður 2. flokks 2000-2002. Var kallaður inn í meistaraflokkshópinn sumarið 2001, varamarkvörður seinni hluta sumars og lék einn leik í 3. deildinni. Lék einn mótsleik 2003 og síðan með HK-b í 3. deildinni 2003-2005.

HALLMUNDUR ALBERTSSON
Fæddur: 1973.
HK-leikir: 5.
HK-mörk: 2.
Ferill hjá HK: 1996.
Lék með Fram í yngri flokkunum. Byrjaði vel með HK vorið 1996 en meiddist þá illa og hætti.

HALLSTEINN TRAUSTASON
Fæddur: 1970.
HK-leikir: 37.
HK-mörk: 1.
Ferill hjá HK: 1994-1995.
Önnur félög: Hvöt.
Lék með ÍK í yngri flokkunum og 14 leiki í meistaraflokki en fór síðan til Hvatar á Blönduósi í tvö ár. Kom aftur og spilaði tvö tímabil með HK en hætti síðan.

HAMISH MARSH
Fæddur: 1974.
HK-leikir: 20.
HK-mörk: 2.
Ferill hjá HK: 1999-2000.
Ný-Sjálendingur sem kom til HK vorið 1999 og spilaði 13 af 18 deildaleikjum tímabilsins. Kom aftur á miðju sumri 2000 og lék 5 leiki.

HANNES FINNSSON
Fæddur: 1978. 
HK-leikir: 11.
HK-mörk: 0.
Ferill hjá HK: 1998-1999.
Önnur félög: Ægir.
Lék með HK og Breiðabliki í yngri flokkunum og kom inn í meistaraflokk HK á miðju sumri 1998. Lék 6 mótsleiki 1999 en var ekkert með árið 2000. Lék með Ægi í 3. deild 2001.

HARALDUR HINRIKSSON
Fæddur: 1968.
HK-leikir: 26.
HK-mörk: 2.
Ferill hjá HK: 2003.
Önnur félög: ÍA, Skallagrímur.
Reyndur miðjumaður - leikmaður með ÍA og Skallagrími um árabil og spilaði með U21 og U17 landsliðum. Íslandsmeistari með Skagamönnum 1992, 1993 og 2001 og hefur tvívegis farið með liði Skallagríms upp um deild. Spilaði 33 af 36 leikjum ÍA í úrvalsdeildinni árin 2000-2001. Hóf æfingar með HK í desember 2002. Spilaði 26 mótsleiki 2003, þar af 17 í 1. deild, en lagði skóna á hilluna eftir það.

HAUKUR STEFÁNSSON
Fæddur: 1978.
HK-leikir: 10.
HK-mörk: 0.
Ferill hjá HK: 1999.
Önnur félög: Grótta.
Kom frá Gróttu fyrir tímabilið 1999 og spilaði 10 leiki, þar af 5 í deildakeppninni. Lék með Gróttu 2000-2003.

HEIÐAR B. HEIÐARSSON
Fæddur: 1963.
HK-leikir: 45.
HK-mörk: 3.
Ferill hjá HK: 1992-1996.
Önnur félög: Breiðablik, ÍK, Fjölnir.
Lék með ÍK í yngri flokkunum en fór síðan til Breiðabliks og lék þar með meistaraflokki frá 1983-1991. Kom þá til ÍK á miðju sumri og lék 6 síðustu leikina. Spilaði á fullu með HK tvö ár eftir það og einn og einn leik næstu þrjú árin. Þjálfaði yngri flokka hjá HK í nokkur ár. Fór síðan til Fjölnis sem þjálfari yngri flokka og síðan meistaraflokks. Bjó í Færeyjum um skeið og þjálfaði yngri flokka þar.

HEIÐAR ÞRASTARSON
Fæddur: 1979.
HK-leikir: 10.
HK-mörk: 0.
Ferill hjá HK: 1999.
Lék með Breiðabliki í yngri flokkunum og kom til HK fyrir tímabilið 1999. Spilaði 10 leiki, þar af 3 í deildakeppninni.

HELGI HILMARSSON
Fæddur: 1967.
HK-leikir: 5.
HK-mörk: 0.
Ferill hjá HK: 1992.
Önnur félög: Fylkir, ÍK, Skallagrímur.
Lék í marki ÍK 1991 og HK framan af 1992.

HELGI KOLVIÐSSON
Fæddur: 1971.
HK-leikir: 72.
HK-mörk: 29.
Ferill hjá HK: 1992-1994.
Önnur félög: ÍK, Pfullendorf (Þýsk.), Lustenau (Aust.), Mainz (Þýsk.), Ulm (Þýsk.), Kärnten (Aust.)
Lék með ÍK alla yngri flokkana og með meistaraflokki frá 16 ára aldri, alls 47 mfl.leiki. Hélt síðan áfram með HK í þrjú ár og var fyrirliði liðsins öll þau ár, þegar það vann sig upp um tvær deildir á jafnmörgum árum. Knattspyrnumaður ársins hjá HK 1993. Varð fyrsti landsliðsmaður HK þegar hann lék með 21-árs landsliðinu árið 1993. Gerðist atvinnumaður hjá Pfullendorf í Þýskalandi haustið 1994 en fór síðan til Austurríkis og spilaði þar í tvö ár, fyrst í B-deild og síðan í A-deild. Þýska B-deildarliðið Mainz keypti síðan Helga sumarið 1998. Hann var fastamaður þar í tvö ár, spilaði 64 deildaleiki af 68 mögulegum. Seldur til Ulm í sömu deild í júní 2000 og var fastamaður þar næsta tímabil. Gekk til liðs við austurríska úrvalsdeildarliðið Kärnten sumarið 2001 og lék með því til sumarsins 2004 þegar hann fór til Pfullendorf á ný og hefur spilað þar síðan.
Spilaði sinn fyrsta A-landsleik árið 1996, vann sér fast sæti í landsliðinu árið 1998 og lék átta af níu A-landsleikjum ársins 2000, þar af sex í byrjunarliði, tvo leiki árið 2001, og var kallaður á ný í landsliðið í nóvember 2002 og aftur á sama tíma 2003. Hefur samtals leikið 30 A-landsleiki og 2 U21-árs landsleiki.

HELGI PÉTUR MAGNÚSSON
Fæddur: 1984.
HK-leikir: 7.
HK-mörk: 0.
Önnur félög: ÍA, Skallagrímur.
Borgnesingur sem hafði leikið 31 leik með ÍA í úrvalsdeildinni og skorað 6 mörk þegar hann kom til HK sem lánsmaður frá ÍA í lok júlí 2006. Lék síðustu 7 leikina í 1. deildinni, alla sem varamaður. Fór aftur til ÍA.

HENRY ÞÓR REYNISSON
Fæddur: 1980.
HK-leikir: 60.
HK-mörk: 19.
Ferill hjá HK: 1999-2000.
Lék með ÍK og HK í yngri flokkunum en með Val frá 4. flokki upp í 2. flokk. Kom aftur fyrir tímabilið 1999 og lék bæði með 2. flokki og meistaraflokki. Kjörinn knattspyrnumaður HK 1999 og jafnframt leikmaður ársins í 2. flokki. Varð markahæsti leikmaður HK í öllum mótum tímabilið 2000 með 8 mörk. Náði sér ekki fyllilega á strik 2001 vegna meiðsla en lék 22 mótsleiki og skoraði 7 mörk. Spilaði með Val 2002 en ekkert eftir það vegna meiðsla.

HILMAR RAFN KRISTINSSON
Fæddur 1981.
HK-leikir:
HK-mörk:
Ferill hjá HK: 1998
Önnur félög: Haukar, Drangur, Ýmir
Spilaði sinn fyrsta meistaraflokksleik í september 1998, þá á fyrsta ári í 2. flokki. lék 47 mótsleiki fyrir HK árin 2001 og 2002. Þjálfari hjá yngstu flokkum um árabil. Lék með HK-b (Drangi) og síðan Haukum sumarið 2003 en kom svo aftur til HK. Missti úr megnið af sumrinu 2004 vegna meiðsla. Hætti en hóf að leika með b-liði HK, Ými, á ný 2007.

HJÁLMAR HALLGRÍMSSON
Fæddur: 1966.
HK-leikir: 22.
HK-mörk: 1.
Ferill hjá HK: 2000.
Önnur félög: Grindavík, Keflavík, GG.
Reyndasti knattspyrnumaður Grindavíkur með hátt í 300 leiki fyrir félagið, þar af 60 í efstu deild, en þar lék hann einnig hálft tímabil með Keflavík. Tók við þjálfun mfl. HK í febrúar 2000 og lék jafnframt með liðinu, alls 22 leiki af 25. Lék með GG í 3. deild 2001 og 2005.

HJÖRVAR HAFLIÐASON
Fæddur: 1980.
HK-leikir: 20.
HK-mörk: 0.
Ferill hjá HK: 1998.
Önnur félög: Valur, Stoke, KR, Breiðablik.
Markvörður ÍK og HK upp alla yngri flokka. Tók við stöðu aðalmarkvarðar í 1. deildinni 1998, á 18. ári, og var valinn knattspyrnumaður ársins hjá HK eftir tímabilið. Gekk til liðs við Valsmenn í mars og lék alla 18 leiki þeirra í úrvalsdeildinni 1999 og um helming leikja liðsins í 1. deild 2000. Varamarkvörður 21-árs landsliðsins 2000 og lék einn leik. Lánaður til Stoke veturinn 2000-01 og komst á varamannabekk aðalliðsins. Missti nær alveg af tímabilinu 2001 vegna meiðsla, var í sigurlið Vals í 1. deild 2002, en meiddist aftur og lék ekkert 2003. Varamarkvörður KR 2004 en gekk til liðs við Breiðablik fyrir tímabilið 2005. Fyrirliði Breiðabliks 2005-2006.

HLÍFAR RÚNARSSON 
Fæddur: 1973.
HK-leikir: 8.
HK-mörk: 0.
Ferill hjá HK: 1993 og 1996.
Lék með ÍK og HK upp yngri flokkana, spilaði 2 mfl.leiki með ÍK 1991 og skoraði eitt mark. Hætti vegna meiðsla 1996.

HLYNUR BJARNASON
Fæddur: 1974.
HK-leikir: 2.
HK-mörk: 0.
Ferill hjá HK: 1996.
Lék tvo leiki  í deildabikarnum vorið 1996.

HLYNUR RAFNSSON
Fæddur: 1970.
HK-leikir: 2.
HK-mörk: 0.
Ferill hjá HK: 1992.
Önnur félög: Haukar, ÍH.
Hafði stutta viðdvöl hjá HK 1992.

HREIÐAR JÓNSSON
Fæddur: 1976.
HK-leikir: 47.
HK-mörk: 0.
Ferill hjá HK: 1996-1997.
Lék með Breiðabliki í yngri flokkunum en kom síðan til HK. Var fastamaður í tvö ár, í meistaraliðinu í 2. deild 1997, en hætti síðan.

HUGI SÆVARSSON
Fæddur: 1971.
HK-leikir: 66.
HK-mörk: 4.
Ferill hjá HK: Frá 1993.
Önnur félög: ÍK, KS, Fylkir.
Lék með ÍK í yngri flokkunum og einn meistaraflokksleik, 17 ára gamall. Fór síðan til Siglufjarðar og þaðan til Fylkis en hefur verið hjá HK frá 1993. Þjálfaði yngri flokka hjá HK um skeið. Tók sér frí 1997 en byrjaði aftur 1998 og var í lykilstöðu á miðjunni 1999. Lék 4 leiki árið 2000 en hætti eftir það. Aðstoðarþjálfari Aftureldingar 2003.

HÖRÐUR EGGERTSSON
Fæddur: 1973.
HK-leikir: 13.
HK-mörk: 0.
Ferill hjá HK: 1992 og 1997.
Önnur félög: Fjölnir.
Lék með ÍK og HK í yngri flokkum. Spilaði einn mfl.leik 1992 og var síðan með 1997. Fór í Fjölni 1998 en meiddist illa og hætti. Þjálfaði yngri flokka hjá HK um nokkurra ára skeið.

HÖSKULDUR ÞORSTEINSSON
Fæddur: 1978.
HK-leikir: 21.
HK-mörk: 0.
Ferill hjá HK: 1999 og 2001.
Önnur félög: Ýmir.
Lék með Breiðabliki í yngri flokkunum en kom til HK fyrir tímabilið 1999 og var fastamaður í liðinu lengst af. Spilaði 21 leik af 25. Tók sér frí árið 2000 en mætti aftur í slaginn fyrir tímabilið 2001 og spilaði 25 mótsleiki. Hætti eftir það vegna náms erlendis en tók fram skóna með HK-b 2005.

Leikmenn frá upphafi I-Ö.

Til baka

Miðvikudaginn 22.maí

19.15 Stjarnan - HK/Víkingur, Pepsi kv., knatt.

Miðvikudaginn 22.maí

20.00 Ýmir - Mídas, 4.deild ka, knatt.

Fimmtudaginn 23.maí

19.15 Hamar - HK, 2. deild ka., knatt.

Mánudaginn 27.maí

20.00 Elliði - Ýmir, 4.deild ka., knatt.

Þriðjudaginn 28.maí

19.15 HK/Víkingur - FH, Pepsi kv., knatt.

Miðvikudaginn 29.maí

19.15 Sindri - Ýmir, Bikar ka., knatt.




Skoða alla skráða atburði

Hvernig gengur HK í 2. deild karla í sumar?

Vinnur deildina

Endar í 2. sæti

3.-5. sæti

Endar neðar