1981

Meistaraflokkur ÍK 1981

ÍK blandaði sér í fyrsta skipti í baráttu um sæti í úrslitakeppni 3. deildar og átti möguleika á efsta sætinu fram í lokaumferðina. Annað sætið var óvænt útkoma í sterkum riðli, og sá árangur reyndist mikilvægur veturinn á eftir. Þá var stofnuð 4. deild og aðeins tvö efstu liðin í hverjum riðli héldu sæti sínu í 3. deild, hin fóru í 4. deildina.

Úrslit leikja ÍK í 3. deildinni 1981 urðu sem hér segir:

Dags. Leikur Markaskorarar ÍK
23.5. Grindavík - ÍK 5-1 Jóhann Sævarsson
31.5.

ÍK - Grótta 2-1

 Ólafur Petersen 2
06.6. Ármann - ÍK 0-0
20.6.

ÍK - Óðinn 4-0

 Óskar Guðmundsson, Jóhann Sævarsson, Kristján Hauksson 2
24.6.

Hveragerði - ÍK 1-2

 Ólafur Petersen, Kristján Hauksson
29.7.

ÍK - Aftureld. 2-1

 Óskar Guðmundsson 2
04.7.

ÍK - Grindavík 0-0
11.7.

Grótta - ÍK 0-3

 Ingvar Teitsson, Óskar Guðmundsson, Ólafur Petersen
15.7.

ÍK - Ármann 1-1

 Hörður Harðarson
25.7.

Óðinn - ÍK 0-2

 Víðir Sigurðsson, Kristján Hauksson
29.7.

ÍK - Hveragerði 4-0

 Hörður Harðarson 2, Sigvaldi Einarsson, Ingvar Teitsson
08.8.

Aftureld. - ÍK 5-0
Lokastaðan:
Röð Lið Leikir Sigrar Jafnt. Töp

Mörk

 Stig
1. Grindavík 12 9 2 1 30-11 20
2. ÍK 12 7 3 2 21-14 17
3. Afturelding 12 7 2 3 33-18 16
4. Ármann 12 6 4 2 18-9 16
5. Grótta 12 3 2 7 15-32   8
6. Hveragerði 12 2 3 7 14-23   7
7. Óðinn 12 0 0 12  7-31   0
         

Bikarkeppni KSÍ
10.6.

Víðir - ÍK 3-0

Leikmenn á Íslandsmóti og bikarkeppni KSÍ 1981:

Nafn Leikir Mörk
Arinbjörn Clausen  1
Guðbjörn Gunnarsson  4
Guðmundur Halldórss. 12
Gunnar Óskarsson  5
Hörður Harðarson  4 3
Ingvar Teitsson 11 2
Jóhann Sævarsson 10 2
Jón Óttarr Karlsson  3
Kristinn Guðmundss 11
Kristján Hauksson  9 4
Markús Einarsson 11
Oddur Friðriksson  1
Ólafur Th. Ólafsson  6
Ólafur Petersen 11 4
Óskar Guðmundsson 12 4
Ragnar Bogi Petersen 13
Sigurður Sigurðsson 13
Sigvaldi Einarsson 10 1
Svavar Halldórsson  4
Víðir Sigurðsson 13 1

Þjálfari: Einar Stefán Árnason.
Fyrirliði: Víðir Sigurðsson.
EFTIRMINNILEGUR LEIKUR:
ÍK - Afturelding 2-1
Þetta var einn af mestu baráttuleikjum sumarsins, enda alltaf mikið um að vera þegar þessi lið mættust. Afturelding var með hörkulið sem hafði hvað eftir annað verið nálægt því að vinna sér sæti í 2. deild. Tvö glæsileg mörk Óskars Guðmundssonar, fisksala í Sæbjörgu, réðu úrslitum og það síðara gleymist seint þeim sem það sáu. Einföld og falleg skyndisókn, Kristinn "Gúndi" Guðmundsson fékk boltann frá Ólafi Petersen, óð upp hægri kantinn og átti hárnákvæma fyrirgjöf á Óskar sem kom á fleygiferð upp völlinn og skallaði frá vítateigshorni vinstra megin, efst í markvinkilinn fjær! Önnur eins tilþrif hafa sennilega aldrei sést fyrr eða síðar á gamla góða Smárahvammsvellinum. ÍK-ingurinn Einar "Lambi" Sigurðsson var línuvörður og hann gleymdi sér svo við að sjá þetta magnaða mark að hann veifaði flaggi sínu í gríð og erg, sem betur fer á hinum vallarhelmingnum. Dómarinn leit undrandi á Einar sem lét flaggið síga, skömmustulegur á svip.

EFTIRMINNILEGUR LEIKUR: 
Afturelding - ÍK 5-0
Eftir gott gengi og 10 leiki í röð án taps gat ÍK komist í úrslit 3.deildar með því að vinna Aftureldingu, og Grindavík tapaði á meðan fyrir Ármanni. Það gekk ekki beint eftir, heldur gekk allt á afturfótunum á Tungubökkum og Afturelding vann stórsigur. Lánleysi ÍK-inga var slíkt að þeir skoruðu ekki einu sinni úr fjórtekinni vítaspyrnu. Víðir Sigurðsson tók fyrstu þrjár, fyrst varði markvörðurinn en hafði hreyft sig. Spyrnan endurtekin, Víðir skoraði, en dómarinn var ekki búinn að flauta! Þriðja tilraun - yfir markið, en markvörðurinn hreyfði sig aftur. Reynt í fjórða sinn en þá kom Óskar  Guðmundsson til skjalanna og skaut beint á markvörðinn! Þar með var útséð um að ÍK myndi ekki skora þann daginn.




Til baka

Á næstunni
Könnun

Hvernig gengur HK í 2. deild karla í sumar?

Vinnur deildina


Endar í 2. sæti


3.-5. sæti


Endar neðar


OZON-Vefumsjónarkerfið