HK/Víkingur 1 - Keflavík 1

HK/Víkingur gerði jafntefli við Keflavík í hörkuleik í Víkinni síðastliðinn föstudag.

Fatma Kara kom HK/Víking yfir á 58. mínútu en Keflavík jafnaði metin á 83. mínútu. Mjög svekkjandi jöfnunarmark, en bæði lið hefðu getað klárað leikinn með fleiri mörkum. Leikurinn var jafn og skemmtilegur og mikið af færum á báða bóga. Okkar konur spiluðu flottan bolta á stórum köflum í leiknum og verður gaman að fylgjast með stelpunum í þeirri baráttu sem framundan er. 

Fyrir leikinn var leikmönnum HK/Víkings, þeim Tinnu Óðinsdóttur, Gígju Valgerði Harðardóttur og Kristrúnu Kristjánsdóttur veittar viðurkenningar. Tinna hlaut viðurkenningu fyrir 250 leiki fyrir HK/Víking, Gígja fyrir 100 leiki fyrir HK/Víking og Kristrún fyrir 200 leiki í efstu deild. Við óskum þeim innilega til hamingju með áfangann.

Næsti leikur HK/Víkings er á morgun, þriðjudaginn 23.júlí kl.19:15 í Víkinni. Við hvetjum alla til að sýna stuðning í verki og fjölmenna á völlinn.

Áfram HK/Víkingur