HK stúlkur sigruðu á Helsinki Cup!

3. flokkur kvenna hjá HK skrifaði nafn sitt í sögubækurnar um helgina þegar liðið varð Helsinki Cup-meistari 2026 eftir frábæra frammistöðu á einu stærsta og fjölmennasta knattspyrnumóti Evrópu. Mótið fór fram dagana 6.–11. júlí og tóku yfir 1.700 lið frá 18 þjóðum þátt.

Stelpurnar léku af miklu öryggi og samheldni alla mótsvikuna og unnu sér verðskuldað sæti í úrslitaleiknum. Þar sýndu þær karakter, baráttuvilja og gæði sem skiluðu þeim glæsilegum sigri og gullverðlaunum.

Árangurinn er frábær viðurkenning á þeirri öflugu vinnu sem hefur verið unnin innan kvennastarfs HK. Leikmenn, þjálfarar og foreldrar eiga öll stóran þátt í þessum eftirminnilega árangri og stúlkurnar voru félaginu til mikils sóma jafnt innan vallar sem utan.

Við í HK erum afar stolt af þessum glæsilega hópi og óskum leikmönnum, þjálfurum og öllum sem stóðu að baki liðinu innilega til hamingju með titilinn.

Innilega til hamingju, HK-stúlkur – Helsinki Cup meistarar 2026!