Frístundavagn


Kæru foreldrar og forráðamenn.

Stefnt er að því að hefja akstur frístundabílanna mánudaginn 4. september 2023.  Vegna mikilla kostnaðarhækkana verður aksturinn eingöngu í boði fjóra daga vikunnar, þ.e. frá mánudegi til fimmtudags.

Frístundavagninn verður mannaður með starfsmönnum sem aðstoða börnin við að spenna beltin, passa upp á dótið sitt og fara út á réttum stað.  Líkt og síðasta vetur eiga forráðamenn að skrá börnin í frístundabílinn í gegnum Völu.

Hlökkum til samstarfsins í vetur!

Starfsmenn Íþróttafélaganna Gerplu, Breiðabliks og HK.

Tímatafla frístundavagna


Óskilamunir úr bláa og græna bílnum fara í Kórinn – Óskilamunir úr rauða bílnum fara í Gerplu (Versölum).

Rauði bílinn S:621-4107

Græni bílinn S:621-4108

Blái bílinn S:621-4120

Mikilvægt er að foreldrar og forráðamenn komi upplýsingum til frístundaheimilanna eða skólans ef barnið þeirra á að taka bílinn á æfingu og þá hvaða lit og klukkan hvað. Starfsmenn frístundaheimilanna hafa verið duglegir að fylgja börnunum út á stoppistöð og þegar í bílinn er komið er það starfsmaður hans sem tekur við barninu og aðstoðar það við að fara út á réttum stað.

Æskilegt er að forráðamenn fari tímanlega í gegnum rúntinn með barninu og sýni því hvar það á að fara út svo barnið sé öruggara þegar aksturinn hefst.

Bílarnir eru þrír og eru merktir með þremur mismunandi litum í framrúðunni.
Þannig geta börnin þekkt sína rútu eftir litnum. Hver bíll fer tvær ferðir á dag. Ekki er gert ráð fyrir því að bíllinn aki börnunum til baka á frístundaheimilin að lokinni æfingu og eru börnin því á ábyrgð foreldra eftir að æfingu lýkur. Starfsmenn verða í bílunum til að aðstoða börnin við að fara á réttan æfingastað.

Frístundavagninn er fyrst og fremst hugsaður fyrir börn í 1. - 4.bekk. Ef nægt pláss er í bílunum er eldri börnum velkomið að nýta þá en 1.-4. bekkur er alltaf í forgangi. 

Við hlökkum til að eiga gott samstarf og vonumst til að vagninn nýtist sem flestum í vetur.