Íþróttaskóli HK og Spörtu

Íþróttaskóli HK og Spörtu heilsuræktar - Vor 2019

Íþróttaskóli HKAðalstjórn HK, í samstarfi við Spörtu heilsurækt, mun starfrækja íþróttaskóla fyrir börn á aldrinum 30 mánaða til 5 ára í vetur í Kórnum. Þar mun fara fram fjölbreytt og skemmtileg dagskrá sem miðar að því að efla skyn- og hreyfiþroska barnanna ásamt því að kenna þeim að taka tillit hvors til annars. 

Markmiðið með íþróttaskólanum er að kynna börnin fyrir fjölbreyttri hreyfingu og verkefnum í hlýlegu umhverfi sem íþróttasalurinn á að vera.
Forráðamenn eru hvattir til að taka þátt í tímunum með börnunum sínum og aðstoða þau eftir þörfum.

Frekari upplýsingar um íþróttaskóla HK og Spörtu má lesa hér

Mælt er með að börnin mæti berfætt svo þau nái sem bestu gripi á gólfinu en ef einhverjir vilja frekar vera í sokkum þá mælum við með því að það séu sokkar með gripi (stjörnum undir).

Í vetur munum við bjóða upp á tvo hópa, þ.e. eldri og yngri.

Æfingatími hjá yngri hópnum er kl.9:30-10:20. 

Yngri hópurinn er samansettur af yngstu krílunum, þeim sem eru 2 1/2 árs  til rúmlega 3 ára   

Einungis 30 pláss í boði.

Æfingatími hjá eldri hópnum er kl.10:30-11:20.

Eldri hópurinn nær til þeirra barna sem eru að verða 4 ára til 5 ára aldurs. 

Einungis 30 pláss í boði

Fyrsti tími er sunnudaginn 20. janúar í íþróttahúsi Kórsins. Hver tími er í 50 mínútur.

Íþróttaskólinn verður í 10 skipti og klárast 7. apríl. Enginn íþróttaskóli verður 10. febrúar né 17. mars vegna mótahalds í Kórnum.

Námskeiðisverð er 12.000.- kr. Veittur er 15% systkinaafsláttur af námskeiðinu.

Skrá iðkanda og ganga frá greiðslu  

​Kennarar í Íþróttaskóla HK eru þau Vilhjálmur Gunnar Pétursson og Guðrún Halla Guðnadóttir sjúkraþjálfari.

Hægt er að fá nánari upplýsingar um Íþróttaskóla HK í síma 441-8700 eða með því að senda tölvupóst á hk@hk.is

Íþróttaskóli HK