Sigurjón skrifar undir

Sigurjón eða Sjonni eins og hann er kallaður verður 25 ára á árinu. Sjonni hefur alla tíð spilað fyrir HK og var leikmaður ársins hjá félaginu á síðustu leiktíð. Þetta tímabil er hans fyrsta í efstu deild og hefur hann vakið verðskuldaða athygli fyrir sína frammistöðu.

Sigurjón hefur alla burði til þess að verða einn besti markmaður deildarinnar á komandi árum og okkur því mikil ánægja að Sigurjón skuli hafa ákveðið að halda kyrru fyrir og veðja á þá vegferð sem félagið er á.