HK-ingar senda Grindvíkingum hlýja strauma á þessum erfiðu tímum. Kórinn hefur verið nýttur sem fjöldahjálpastöð undanfarna daga og hefur sú samvinna gengið vel. HK-ingar vilja bjóða iðkendum yngri flokka Grindvíkinga að koma á æfingar hjá félaginu endurgjaldslaust á meðan þessum erfiðu tímum stendur. Æfingatafla fyrir yngri flokka í öllum okkar greinum er að finna á heimasíðunni okkar www.hk.is undir hverri deild fyrir sig. Við sendum Grindvíkingum baráttukveðjur og bjóðum þá velkomna til okkar.