Gígja Valgerður Harðardóttir leikur með HK í sumar!

_

HK hefur samið við Gígju Valgerði Harðardóttur um að leika með liði félagsins í Lengjudeildinni á komandi sumri.

Gígja er reynslumikill leikmaður en hún lék síðast árið 2019 með liði HK/Víkings í efstu deild. Hún hefur samtals leikið 251 leik í meistaraflokki og skorað í þeim leikjum 15 mörk. Meira en helming þeirra leikja lék hún í efstu deild með Þór/KA, Val og síðan HK/Víkingi. Hún á svo einn landsleik að baki með U19 ára landsliðinu. Gígja varð Íslandsmeistari með Þór/KA árið 2012.