HK kynnir nýja jafnréttisstefnu

Íþróttafélagið HK hefur samþykkt nýja jafnréttisstefnu sem miðar að því að tryggja jafnræði allra iðkenda óháð kyni eða öðrum mismununarástæðum. Stefnan nær til allra þátta starfseminnar og er liður í að byggja upp sanngjarnt og fjölbreytt íþróttastarf innan félagsins.

Helstu markmið stefnunnar eru eftirfarandi:

• Iðkendur á sama aldri í sömu íþróttagrein fái jafn marga og sambærilega æfingatíma, óháð kyni.

• Aðstaða og aðbúnaður mismuni ekki iðkendum eftir kyni.

• Samræmi sé tryggt í fjárveitingum til íþróttagreina, óháð kyni iðkenda.

• Möguleikar til fjáraflana í nafni félagsins séu jafnir fyrir alla iðkendur, óháð kyni.

• Íþróttafélagið skuli þjóna fjölbreyttum hópi iðkenda.

• Leitast skal við að jafna kynjahlutföll í þeim greinum þar sem það á við.

• Unnið sé markvisst gegn staðalímyndum og fordómum.

• Iðkendur skuli ekki verða fyrir mismunun í fréttum eða kynningarefni sem félagið birtir.

• Viðurkenningar og verðlaun skulu veitt án kynbundinnar mismununar og vera sambærileg fyrir öll kyn í sömu greinum.

HK leggur ríka áherslu á að íþróttastarf sé öllum opið og að allir fái jöfn tækifæri til þátttöku og viðurkenningar.

Hægt er að kynna sér jafnréttisstefnuna í heild sinni á heimasíðu félagsins: Jafnréttisstefna