Íþróttaskóli HK

Íþróttaskóli HK - Vorönn 2020

Aðalstjórn HK mun starfrækja íþróttaskóla fyrir börn á aldrinum 30 mánaða til 4 ára í vetur í Kórnum. Þar mun fara fram fjölbreytt og skemmtileg dagskrá sem miðar að því að efla skyn- og hreyfiþroska barnanna ásamt því að kenna þeim að taka tillit hvors til annars. 

Markmiðið með íþróttaskólanum er að kynna börnin fyrir fjölbreyttri hreyfingu og verkefnum í hlýlegu umhverfi sem íþróttasalurinn á að vera.
Forráðamenn eru hvattir til að taka þátt í tímunum með börnunum sínum og aðstoða þau eftir þörfum.

Mælt er með að börnin mæti berfætt svo þau nái sem bestu gripi á gólfinu en ef einhverjir vilja frekar vera í sokkum þá mælum við með því að það séu sokkar með gripi (stjörnum undir).

Í vetur munum við bjóða upp á einn hóp.

Æfingatími hjá hópnum er kl.9:30-10:20 á sunnudögum

Einungis 30 pláss í boði.

Fyrsti tími er sunnudaginn 9. febrúar í íþróttahúsi Kórsins. Hver tími er í 50 mínútur.

Íþróttaskólinn verður í 10 skipti og klárast 10. maí. Enginn íþróttaskóli verður 1. mars, 22. mars, 12. apríl og 26. apríl vegna mótahalds í Kórnum og almennra frídaga.

Námskeiðisverð er 15.000.- kr. Veittur er 10% systkinaafsláttur af námskeiðinu.

Búið er að opna fyrir skráningu.

Hægt er að fá nánari upplýsingar um Íþróttaskóla HK í síma 441-8700 eða með því að senda tölvupóst á jonthor@hk.is